Eze 47 | Ndebele | STEP | Emva kwalokho wangibuyisela emnyango wendlu , khangela-ke, amanzi aphuma ngaphansi kombundu wendlu ngasempumalanga ; ngoba ingaphambili yendlu yayingasempumalanga; lamanzi ehla esuka ngaphansi esuka ehlangothini lokunene lwendlu, ngaseningizimu kwelathi .

1 Emva kwalokho wangibuyisela emnyango wendlu ^a, khangela-ke, amanzi aphuma ngaphansi ^b kombundu wendlu ngasempumalanga ^c; ngoba ingaphambili yendlu yayingasempumalanga; lamanzi ehla esuka ngaphansi esuka ehlangothini lokunene lwendlu, ngaseningizimu kwelathi ^d. 2 Wasengikhupha ngendlela yesango ngasenyakatho ^e, wangibhodisa ngendlela engaphandle wangisa esangweni elingaphandle, ngendlela ekhangele ngasempumalanga ^f. Khangela-ke, kwageleza amanzi avela ehlangothini lwesokunene. 3 Ekuphumeni kwendoda ^g ngasempumalanga, elentambo esandleni sayo ^h, yalinganisa izingalo eziyinkulungwane, yangidabulisa phakathi kwamanzi; amanzi afika enqagaleni. 4 Walinganisa futhi inkulungwane, wangidabulisa emanzini; amanzi afika emadolweni. Walinganisa futhi inkulungwane, wangidabulisa; amanzi afika ekhalweni. 5 Walinganisa futhi inkulungwane; kwaba ngumfula engingeke ngiwuchaphe, ngoba amanzi ayesephakeme, amanzi ongantsheza kuwo, umfula owawungeke wachatshwa.

6 Wasesithi kimi: Ubonile yini, ndodana yomuntu? Wasengihambisa, wangenza ngabuyela ekhunjini lomfula. 7 Ekubuyeleni kwami, khangela-ke, ekhunjini lomfula kwakulezihlahla ezinengi kakhulu ngapha langapha ⁱ. 8 Wasesithi kimi: La amanzi aphumela ngaselizweni lempumalanga ^j, ehlele enkangala, abesesiya elwandle ^k; athi esekhutshelwe olwandle ^l, amanzi azakwelatshwa. 9 Kuzakuthi-ke, sonke isidalwa esiphilayo ^m, esinyakazelayo ⁿ, loba ngaphi lapho imifula efika khona, sizaphila. Futhi kuzakuba khona inhlanzi ezinengi kakhulu, ngoba amanzi la azafika lapho; ngoba zizakwelatshwa; ngoba kuzaphila konke lapho umfula ofika khona. 10 Kuzakuthi-ke, abagoli benhlanzi beme ngakuwo kusukela e-Engedi ^o kuze kube se-Enegilayimi ^p; kuzakuba lendawo yokuchaya amambule ^q. Inhlanzi zabo zizakuba ngenhlobo zazo, njengenhlanzi zolwandle olukhulu ^r, ezinengi kakhulu. 11 Kodwa izindawo zawo ezilodaka ^s lamaxhaphozi awo ^t kakuyikwelatshwa; kuzanikelwa ekubeni litshwayi ^u. 12 Futhi ngasemfuleni ekhunjini lwawo, ngapha langapha ^v, kuzakhula sonke isihlahla sokudla ^w, ohlamvu laso ^x kaliyikubuna ^y, lesithelo saso kasiyikuphela. Sizathela ^z isithelo saso esitsha ^aa njengokwenyanga zaso, ngoba amanzi aso aphuma endaweni engcwele. Isithelo saso sizakuba yikudla, lehlamvu laso libe ngelokwelapha ^{ab
,} ^ac.

Imingcele yelizwe

13 Itsho njalo iNkosi uJehova: Lo uzakuba ngumngcele, elizakudla ilifa lelizwe ngawo njengokwezizwe ezilitshumi lambili zakoIsrayeli ^ad. UJosefa uzakuba lezabelo ezimbili ^ae. 14 Njalo lizakudla ilifa lalo, omunye njengomunye, engaphakamisa isandla sami ngalo ukulinika oyihlo ^af. Njalo lelilizwe lizawela kini libe yilifa ^ag. 15 Njalo lokhu kuzakuba ngumngcele welizwe ngakuhlangothi lwenyakatho, kusukela olwandle olukhulu ^ah, indlela yeHethiloni ^ai, ekungeneni eZedadi ^aj. 16 IHamathi ^{ak
,} ^{al
,} ^am, iBerotha ^an, iSibirayimi ephakathi komngcele weDamaseko ^{ao
,} ^ap lomngcele weHamathi ^aq, iHazeri-Hathikhoni esemngceleni weHawurani ^ar. 17 Lomngcele osuka elwandle uzakuba yiHazari-Enoni ^{as
,} ^at, umngcele weDamaseko ^{au
,} ^av, lenyakatho ngasenyakatho, lomngcele weHamathi ^{aw
,} ^ax. Lalolu luhlangothi lwenyakatho. 18 Futhi uhlangothi lwempumalanga lizalulinganisa lusuka phakathi kweHawurani ^ay, lusuka phakathi kweDamaseko ^az, lusuka phakathi kweGileyadi ^ba, lusuka phakathi kwelizwe lakoIsrayeli ngaseJordani, kusuke emngceleni kuze kufike elwandle olungempumalanga ^bb. Lalolu luzakuba luhlangothi lwempumalanga. 19 Lohlangothi lweningizimu ngaseningizimu ^bc, kusukela ^bd eTamari ^be kuze kube semanzini ^bf eMeribathi-Kadeshi ^bg, emfuleni ^bh kuze kube selwandle olukhulu ^bi. Lalolu luzakuba luhlangothi lweningizimu ngaseningizimu ^bj. 20 Lohlangothi lwentshonalanga luzakuba lulwandle olukhulu kusukela emngceleni ^bk, kuze kube maqondana lokungena eHamathi ^bl. Lolu luhlangothi lwentshonalanga. 21 Ngokunjalo lizazehlukanisela lelilizwe njengokwezizwe zakoIsrayeli ^bm.

22 Kuzakuthi-ke, lilabe ngenkatho ^bn libe yilifa kini, lakwabezizwe abahlala phakathi kwenu ^bo, abazazala abantwana phakathi kwenu. Njalo bazakuba kini ^bp njengabazalelwe elizweni phakathi kwabantwana bakoIsrayeli ^bq. Bazakudla ilifa ngenkatho kanye lani phakathi kwezizwe zakoIsrayeli ^br. 23 Kuzakuthi-ke, esizweni owezizwe ahlala njengowezizwe kiso, lapho lizamnika ilifa lakhe, itsho iNkosi uJehova.